MIS Info

This site will give latest Information, updates and News

దగ్గు, జలుబుని తగ్గించే మందుని ఇంట్లోనే తయారుచేసుకోండిలా..

ఈ టైమ్‌లో దగ్గు, జలుబు సమస్యలు వేధిస్తుంటాయి. ఇలాంటి ఈ సమస్యలకి మెడిసిన్స్ తీసుకుంటారు.. కానీ, ఇలాంటి టైమ్‌లో కొన్ని హోమ్ రెమిడీస్‌తో సమస్య తగ్గుతుంది.. అలాంటి ఓ చిట్కా గురించి తెలుసుకోండి..

దగ్గు, జలుబు అనేవి, పిల్లలు మరియు పెద్దలలో సంవత్సరమంతా, ముఖ్యంగా వేసవి, శీతాకాలాలలో అత్యంత సాధారణంగా తలెత్తే ఆరోగ్య సమస్యలుగా ఉంటాయి. ఒక చిన్నహోం రెమిడీతో ఈ దగ్గు మరియు గొంతునొప్పిని దూరం చేయవచ్చు. ఇక్కడ చెప్పబోయే రెసిపీలో ఉపయోగించే ముఖ్యమైన పదార్ధం వాము ఆకు. అంతేకాకుండా, ఈ రెసిపీలో లభించే మిగిలిన అన్ని పదార్ధాలు మీ వంటగదిలోనే సులభంగా లభిస్తాయి. కాబట్టి మీవంటగదికి వెళ్లి మీ దగ్గు, జలుబును తగ్గించుకోడానికి ఈ సులభమైన సిరప్ ను సిద్దం చేయండి.

Dry Cough in Pregnancy – Reasons, Signs & Home Remedies

హోం మేడ్ దగ్గు-జలుబు సిరప్ తయారుచేయు విధానం:

కావలసిన పదార్ధాలు :

నీళ్ళు - ఒక కప్పు
వాము ఆకులు - 4 నుండి 5
తులసి ఆకులు - 5 నుండి 6
పసుపు - చిటికెడు
అల్లం రసం - ముప్పావు టీస్పూన్
నిమ్మరసం - ఒక టీస్పూన్
తేనె - ఒక టీస్పూన్

తయారు చేయువిధానం :

  • ముందుగా ఒక పాన్ తీసుకుని, అందులో ఒక కప్పు నీరు పోసి మరిగించండి.

  • నీరు వేడెక్కిన తర్వాత, నాలుగు నుండి ఐదు వాము ఆకులను వేయండి. ఈ ఆకులను నేరుగా కూడా నమలవచ్చు. ఇలా నేరుగా ఆకులను నమలడం వల్ల తొందరగా జలుబు నుండి బయట పడడానికి సహాయపడుతుంది. దీనిలోని రసం చాతీలోని కఫం లేదా ఫ్లంను తొలగిస్తుంది.

  • ఇప్పుడు అదే పాన్లో చిటికెడు పసుపు వేసుకోవాలి. పసుపు, శ్వాసకోశంలో ఉండిపోయిన కఫాన్ని తొలగిస్తుంది. అంతేకాకుండా యాంటీ బాక్టీరియల్ మరియు యాంటీ ఇన్ఫ్లమేటరీగా కూడా పనిచేసి, జలుబు, దగ్గు నుండి ఉపశమనాన్ని ఇస్తుంది.

  • ఆపై ఐదు నుండి ఆరు తులసి ఆకులను కూడా అందులో వేయండి. తులసి రోగ నిరోధక శక్తిని పెంచడంలో సహాయపడుతుంది.

  • ఈ మిశ్రమాన్ని 5 నుండి 8 నిమిషాలపాటు ఉడకబెట్టండి. మీకు సువాసన వచ్చే వరకు మిశ్రమాన్ని మరగనివ్వాలి. ఆ తర్వాత ఈ మిశ్రమాన్ని పక్కనబెట్టి చల్లారనివ్వండి. చల్లార్చిన తర్వాత, ఈ మిశ్రమాన్ని వేరే గిన్నెలోనికి మార్చండి.

  • ఇప్పుడు ముప్పావు టీస్పూను అల్లం రసం, ఒక టీ స్పూన్ నిమ్మరసం, ఒక టీస్పూన్ తేనె జోడించండి. ఇప్పుడు అన్ని పదార్ధాలను బాగా కలపండి.

  • అల్లం కఫాన్ని తగ్గించడంలో, శ్వాస సజావుగా సాగడంలో సహాయం చేస్తుంది. అదేవిధంగా బ్యాక్టీరియాను చంపుతుంది. దీని బలమైన రుచి, మీ గొంతును క్లియర్ చేసి, ఉపశమనాన్ని ఇస్తుంది.

ఇప్పుడు ఈ మొత్తం మిశ్రమాన్ని ఒక కప్పులోనికి తీసుకుని సేవించండి. అంతే, హోం మేడ్ కాఫ్&కోల్డ్ సిరప్ రెడీ. ఇది మీ దగ్గు, జలుబును నివారిస్తుంది, మిమ్మల్ని ఆరోగ్యంగా ఉంచుతుంది. పిల్లలకు ఈ సిరప్, 10 మి.లీ వరకు ఇవ్వవచ్చు. పెద్దలు, అరకప్పు నుండి ఒక కప్పు వరకు తీసుకోవచ్చు.

No comments:

Post a Comment

Note: Only a member of this blog may post a comment.